A cewar rahoton Ofishin Yada Labaran Hauza, Ayatullahi Nuri Hamadani, a yayin ganawarsa da mambobin kwamitin shirya i'itikafi da bangaren ilimi ta taron, ya nuna gamsuwarsa da yadda wannan albarkataccen aiki yake kara bazuwa. Ya bayyana cewa: "I'itikafi yana haifar da karfafa ruhin ibada a cikin mutum da kuma al'umma, kuma dama ce mai girma da ya kamata a ribace ta yadda ya kamata."
Babban malamin ya bayyana cewa daya daga cikin manyan nasarorin tsarin Musulunci (jamhuriyar Musulunci) shi ne habaka lamuran da suka shafi ruhin dan adam. Ya yi nuni da cewa ko da yake akwai maganar i'itikafi a cikin littattafan fikihu, amma a baya ba a san shi sosai a cikin al'umma ba, sai dai wasu kalilan daga cikin masana. Ya kara da cewa: "Albarkacin Juyin Juya Halin Musulunci, mutane musamman matasa sun san da wannan tsohuwar al'ada ta ibada, kuma a yau suna amfani da wannan dama."
A karshen taron, wannan babban malamin ya mika godiyarsa ga kokarin mambobin kwamitin i'itikafi, musamman Hujjatul Islam Wal-Muslimin Tekiye'i, sannan ya jinjina wa Hujjatul Islam Wal-Muslimin Fallah-Zadeh saboda wallafa littattafai da suka shafi hukunce-hukuncen fikihu na itikafi.
Your Comment