A cewar rahoton wakilin Ofishin Yada Labaran Hauza daga Sanandaj, an gudanar da wani taro na musamman kan "Rawar malaman Hauza da Jami'a a fannin diflomasiyyar ilimi" a Jami'ar Azad ta Kurdistan. Babban mai jawabi a taron shi ne Hujjatul Islam wal Muslimin Sayyid Mufid Hussaini Kohsari, mataimakin shugaban sashin kasa da kasa na makarantun addini na kasar Iran.
Mataimakin shugaban sashin kasa da kasa na Hauza, yayin da yake bayyana mahimmancin diflomasiyyar ilimi a matsayin daya daga cikin rukunai na "karfin ruwan sanyi" (Soft Power) na Jamhuriyar Musulunci ta Iran, ya bayyana cewa: "Domin tafiya zuwa ga gina sabon wayewar Musulunci (Islamic Civilization) da dunkulewar al'ummar musulmi, ya zama dole dukkan abubuwan ci gaba, musamman ilimi da fasaha, su hadu waje daya domin daukaka darajar Iran a fagen kasa da kasa."
Hujjatul Islam Hussain Kohsari ya bayyana cewa sauye-sauyen da ake samu a duniyar yau ta fuskar fasahar sadarwa, sauyin alakar siyasa, da bayyanar sabbin dakarun iko a duniya da shiyya-shiyya, babban damar tarihi ce ga diflomasiyyar ilimi ta Iran. Ya kuma nuna cewa matsalolin da wayewar kasashen yamma ta haifar sun samar da fili ga ilimin Musulunci ya bayyana.
Ya bayyana cewa cibiyoyin ilimi na kasar Iran suna da manyan damammaki da suka hada da wallafa dubban littattafai na ilimi da mujallun bincike, daruruwan wuraren shakatawa na kimiyya da fasaha (Science Parks) da cibiyoyin kirkire-kirkire, gomomin tarukan karawa juna sani na ilimi, daruruwan dubbai na malamai da masu bincike, da kuma miliyoyin dalibai da suka kammala karatu a jami'o'i da makarantun addini.
Hujjatul Islam wal Muslimin Hossain Kohsari ya bayyana cewa, mafi muhimmancin abubuwan da ke tasiri a fannin diflomasiyyar ilimi sun hada da amfani da dogaro da kai na kasa a fagagen kimiyya da fasaha, gabatar da ra'ayi na kwarai game da dan Adam, Musulunci, da wayewar Jamhuriyar Musulunci, yin amfani da karfin ruwan sani (Soft Power) na Musulunci na kwarai da kuma manyan koyarwar addini, amfani da nasarorin da Jamhuriyar Musulunci ta samu a fannin ilimi karkashin mawuyacin halin takunkumi da matsin lamba daga kasashen duniya masu girman kai, kasancewar Iran a matsayin madubin koyi ga kasashen yankin, duniyar Musulunci, da kuma fagen kasa da kasa. Ya kuma jaddada cewa, albarkacin Musulunci da koyarwar Ahlul-Baiti (A.S), Iran ita ce kadai cibiyar ilimi, tunani, da akida a duniya wacce take da ikon gogayya da wayewar kasashen yamma (Western Civilization) a kowane fanni na rayuwa.
Mataimakin na Hauza ya bayyana wasu muhimman abubuwa da ya kamata a mayar da hankali kansu don karfafa diflomasiyyar kimiyya, kamar, kula da daliban kasashen waje da daliban addini dake zaune a Iran, bada fifiko ga hulda da masu magana da yaren Farisanci da Iraniyawa dake zaune a kasashen waje, karfin hulda da kasashe makwabta da kasashen dake sahun gaba na gwagwarmaya (Resistance Front), kafa kasuwar kimiyya ta hadin gwiwa a duniyar Musulunci, yin amfani da "Artificial intelligence" (AI) da gudanar da tarukan karawa juna sani na yanar gizo (Webinars). Haka nan, ya bayyana cewa samun nasarar diflomasiyyar ilimi yana bukatar hadin kai da sauran nau'ikan diflomasiyyoyi kamar diflomasiyyar gwamnati, diflomasiyyar yada labarai, diflomasiyyar al'adu, diflomasiyyar addinai, da kuma diflomasiyyar tattalin arziki.
Your Comment