Hövzə Xəbər Agentliyinin məlumatına görə, Mübarək Ramazan ayında hər gün "Ramazan Bələdçisi" ilə sizə bələdçilik edirik. Bu toplu, Ramazan ayına aid şəriət hökmlərini, eləcə də böyük mərcə alimlərinin baxışlarını sizin kimi dəyərli oxuculara təqdim edir.

Höccətül-İslam vəl-Müslimin Seyid Məhəmmədtəqi Məhəmmədi Şeyx:

Sistem, iynə vurulması və tibbi iynələrin istifadəsi

Orucun hökmləri ilə bağlı insanların tez-tez qarşılaşdığı məsələlərdən biri də sistem, iynə vurulması və tibbi iynələrin istifadəsidir.

Bu mövzuda müxtəlif fiqhi baxışlar mövcuddur və oruc tutanların bu məsələlər haqqında məlumatlı olması vacibdir.

Məşhur mərcəyi-təqlid alimlərinin fikrinə əsasən, ağrıkəsici və lokal anesteziya məqsədilə istifadə edilən iynələr orucu batil etmir. Lakin qidalandırıcı, qüvvətləndirici və venadaxili inyeksiyalar barədə alimlər arasında fikir ayrılığı var.

Ali Rəhbər (Ayətullah Xamenei) bu barədə belə buyurur:
Qidalandırıcı və qüvvətləndirici təsirə malik olan iynələr, həmçinin venadaxili inyeksiyalar (damar vasitəsilə vurulanlar) ehtiyata əsasən orucu batil edir.

Bununla belə, bəzi böyük mərcə alimləri, məsələn, Ayətullah Nuri Həmədani hesab edir ki, hətta yuxarıda qeyd olunan inyeksiyalar belə, orucu batil etmir və onun səhihliyinə zərər yetirmir.

Bu səbəbdən oruc tutan şəxslər öz təqlid etdikləri mərcə aliminin fətvasına müraciət etməli və ona əsasən əməl etməlidirlər.