Wednesday, June 19, 2019
News Code : 354532 | Publish Date :2019/1/13 - 09:55 | Category: Urdu News

پاکستانی حکومت کا فی حاجی ۴۵ ہزار روپے سبسڈی دینے پر غور
حوزہ/ پاکستانی حکومت نے حج ۲۰۱۹ کے لیے فی حاجی ۴۵ ہزار روپے سبسڈی دینے پر غور شروع کردیا۔

حوزہ نیوز ایجنسی کی رپورٹ کے مطابق وفاقی حکومت نے حج 2019 کے لیے فی حاجی 45 ہزار روپے سبسڈی دینے پر غور شروع کردیا ہے۔

وزیر مذہبی امور  نور الحق قادری اور وزیر خزانہ اسد عمر کی ملاقات میں حج پالیسی کو حتمی شکل دی جائیگی،حج پر سبسڈی منظور نہ ہوئی تو سرکاری حج کا خرچہ 4 لاکھ 20 ہزار فی عازم سےتجاوز کرسکتا ہے۔

ڈالر کی بڑھتی قدر کے باعث حج مہنگا ہونے کا امکان ہے جس پر عازمین حج کے ساتھ ساتھ حکومت بھی پریشان ہے۔

طویل مشاورت کے بعد حکومت نے حج سبسڈی دینے پر غور شروع کردیا ہے۔ذرائع کے مطابق وزارت مذہبی امور نے حج پر سبسڈی دینے سے متعلق تجاویز تیار کرتے ہوئے فی حاجی 45 ہزار روپے سبسڈی دینے کی سفارش کی ہے۔وزارت مذہبی امور اور وزارت خزانہ کے درمیان حج سبسڈی کے معاملے پر مشاورت ہوگی۔

Send Comment
Name :
Email:
Comment:
Send
View Comments