Wednesday, August 22, 2018
News Code : 351701 | Publish Date :2018/4/21 - 09:56 | Category: Urdu News

مظفرگڑھ، بشارت عظمیٰ کے عنوان سے اٹھارویں کانفرنس ۲۷ اپریل کو منعقد ہوگی
حوزہ نیوز/ ملتان سے جاری بیان کے مطابق پنجاب کے ڈویژنل ہیڈ کوارٹرز کے بعد اب ضلعی سطح پر عقائد تشیع کے تحفظ کے حوالے سے کانفرنسیں جاری ہیں، اس کے بعد خیبر پختونخواہ، سندھ، بلوچستان، آزادکشمیر اور گلگت بلتستان میں بھی ہوں گی۔

حوزه نیوز ایجنسی؛ وفاق المدارس الشیعہ پاکستان کے زیراہتمام عقیدہ توحید کے موضوع پر بشارت عظمی کانفرنس 27اپریل بروز جمعتہ المبارک جامعتہ المفید تلیری بائی پاس پر منعقد ہوگی جس میں علما، خطبا و ذاکرین اور بانیان مجالس شریک ہوں گے، رئیس الوفاق علامہ حافظ ریاض حسین نجفی کی زیر صدارت منقعد ہونیوالی کانفرنس سے علامہ سید ساجد علی نقوی، مفسر قرآن علامہ شیخ محسن علی نجفی اور دیگر بزرگ علما، ذاکرین اور بانیان مجالس خطاب کریں گے۔

وفاق المدارس الشیعہ کے سیکرٹری جنرل علامہ محمد افضل حیدری نے کہا ہے کہ منبر حسینی پر چند غیر ذمہ دارمقررین کی طرف سے خود ساختہ خرافات کے ذریعے تشیع کے عقائد کو مسخ کرکے پیش کرنے کی روش کو مسترد کرکے اس کے سدباب کیلئے اقدامات تجویز کئے جائیں گے تاکہ مکتب تشیع کے بنیادی عقائد واضح ہو سکیں۔

انہوں نے کہا کہ پنجاب کے ڈویژنل ہیڈ کوارٹرز کے بعد اب ضلعی سطح پر عقائد تشیع کے تحفظ کے حوالے سے کانفرنسیں جاری ہیں، اس کے بعد خیبر پختونخواہ، سندھ، بلوچستان، آزادکشمیر اور گلگت بلتستان میں بھی ہوں گی۔ ان کا کہنا تھا کہ بشارت عظمی کانفرنسوں نے عقائد کے تحفظ کے حوالے سے مثبت کردار ادا کیا ہے جس میں علما، خطبا و ذاکرین اور بانیان مجالس نے بڑا کردار ادا کیا ہے۔

Send Comment
Name :
Email:
Comment:
Send
View Comments